سحررمضان تكتب :الدرس ابتدى هاتوا الكراريس
مفتتح
غدا تشرق شمس جديدة فى مدارسنا يتسابق أطفالنا جميعا ومدرسوهم فى غزل فستان جديد خيوطه ذهب والوانه ضحكة شهيد لأم الدنيا "مصر"
مشهد أول
أصبح ميدان التحرير قبلة المصريين وعشقهم وهم على موعد أسبوعى وعلى مايبدو اأنهم لن يخلفوه حتى بعد تحقيق المطالب فالميدان أصبح ليس فقط هايد بارك المصريين وانما هايد بارك دعم الاشقاء العرب فى ثوراتهم على أنظمتهم الفاسدة. والسر فى أرواح الشهداء ودمائهم الطاهرة التى تجتذب عاشقى مصرنا الحبيبة وكان الزيارة الاسبوعية ائتلاف لروح الشهداء واتصالها بالشعب والميدان وعلشان كده يقلك انا فى حاجة بتشدنى للتحرير
فعلا إنها روح الشهداء ونضال الملايين
مشهد ثان
غدا سيحيى الأطفال العلم ولأول مرة بصوت عال... تحيا مصر
بلادى بلادى لك حبى وفؤادى
بلادى بلاد ى.. لك عمرى وصلاتى
غدا.... طابور الصباح مختلف تماما وسيحضن الصغار منذ الليلة المريلة الكحلى ويدفوا بالكراريس سيذهبون بحب وعشق وشوق للفصل ولفناء المدرسة كل طفل وتلميذ ومدرس وأبلة رايح رافع راسه وحاضن علمه معاهدا ربه علي الاخلاص فى عمله.
مشهد أخير.... الدرس ابتدى هاتوا الكراريس
م النهاردة يا مصرنا يا ام الحلوين
حنغنى......
الدرس ابتدى هاتوا الكراريس
ده المصرى الحر .. عريس
لا أستنزاف ولا فساد
م النهاردة حلمى فى عيونى
وجايلك ياللى عشقك غرام وضي
يا 25يناير قل للشهيد
الورد أحمر طاهر بلون دمك
شربات من طلتك وضحكتك
رد الشهيد مسح دموع امه
يا أمى يا ملهمة يا ثورة يا قاهرة
افرحى زغردى
لملمى قلوع حزنك واوعى تعيطى
واستريحى نامى انا لسة فى الميدان
حارس أنا لسة فى الميدان فارس
واسالى المختار ف برقة وطرابلس
إننا أحياء هنا .......وهناك
يا طبرق ويا شهداء البيضا
من الأزهر تحية ومن التحرير هدية
الفاتحة للشهداء والسلام للشعوب الأبية
التعليقات