أشاد الرئيس عبد الفتاح السيسي، بقرار طارق عامر محافظ البنك المركزى تخصيص مليار جنيه للابتكار، مطالبا بإتاحة جزء من هذه الأموال لشباب المبتكرين، بدون فائدة، قائلا: "عايزين لو لقينا شاب شاطر نتيح له حاجة زى كده يشتغل، وياخد تمويل بدون فائدة من البنك المركزى، ويشغّل مشروعه ما دام شاطر ومجتهد".
 
وأضاف السيسي، فى كلمته خلال افتتاح المرحلة الأولى من مشروع الـ100 ألف صوبة زراعية فى قاعدة محمد نجيب العسكرية بمحافظة مطروح، قائلا: "عايزين نقول للمجتهد إحنا شايفينك، والكلام ده لكل المجتهدين، مش فى مشروعات الصوب الزراعية فقط، ولكن لكل الحرف التى تراجعت فى مصر بشكل أو آخر، وإزاى نقدر نعمل دفعة ليهم تانى، ونشجعهم ونقول لهم تعالوا وعلموا الناس معاكم".
 
وشدد الرئيس فى توجيهه بتمويل مشروعات شباب المبتكرين، على أن يكون الدعم لكل المبتكرين فى كل شىء، وليس فى الزراعة أو بعض الحرف فقط، ولكن فى كل العناصر والأنشطة التى يريدون إحياءها فى مصر مرة أخرى.
 
وفى سياق آخر، تطرق الرئيس السيسي فى كلمته لوضع العمالة الموسمية بمشروعات الدولة، موجهًا الحكومة للحفاظ على حقوق تلك العمالة، والبحث عن بدائل تضمن لهم تأمينا صحيا، متابعا: "الحكومة محتاجة تفكر هل العمالة دى بيتأمّن عليها، ولو عايز يتعالج بيتعالج، لازم نفكر فى كل العمالة اليومية بمشروعات الدولة، نفكر إزاى نعمل ده، مثلا وزارة الإسكان بتشتغل معاها ألف شركة فيها مليون عامل، هل ما أقدرش فى العقد مع الشركة آخد قسط شهرى للعامل يتحط فى صندوق بالتنسيق مع البنوك ووزارة التضامن للتأمين على هؤلاء العمالة"، ووجه الرئيس حديثه للحكومة: "لو عاوزين تطلعوها بقرار وقانون طلعوها، عاوزين نوصل لعمالنا".
 
وقدم الرئيس عبد الفتاح السيسي، الشكر لجهاز الخدمة الوطنية بالقوات المسلحة، وكل القائمين على تنفيذ المرحلة الأولى من مشروع الـ100 ألف صوبة زراعية، مشددا فى الوقت ذاته على إتاحة فرصة للقطاع الخاص فى الاستثمار بتلك الصوب.
 
وقال الرئيس السيسي، فى كلمته خلال الافتتاح: "يتساءل كثيرون، هل إحنا كده بننافس القطاع الخاص ولا لأ، لكن الإجراءات التنفيذية للمشروعات بهذا الحجم من الأعمال والإجراءات الكثيرة، سواء طرق أو مآخذ مياه، لما ييجى القطاع الخاص يعملها تستغرق 4 سنوات حتى يستطيع تقديم مشروع بهذه الطريقة، ولكن الصوب بقت جاهزة، واللى عايز يجيى يستأجر الصوب دى ييجى ويستأجرها من القوات المسلحة، ما عندناش مشكلة"، موجها حديثه للقطاع الخاص بالقول: "تعالى دى حاجتك، اشتغل، وكل حاجة معمولة بشكل كويس، اشتغل وشغّل الناس".


مواضيع مرتبطة

التعليقات


الاستفتاء

الاكثر تفاعل

اعلان ممول


المواقع الإجتماعية

القائمة البريدية